齊仁牙科中心評論（ka chan）牙周病治療

齊仁牙科中心評論（ka chan）牙周病治療

本人在此處接受全套牙周病治療感覺十分，在此建議大家如果覺得自己有牙周病盡快求醫。

牙周病最可怕地方在於 一直都無痛，直到你甩牙你先開始覺得驚。我本身有輕微糖尿病，衰在自認為牙齒一直沒有什麼大問題，平時無咩特別牙科護理 和常識。直至去年下門牙竟然有一顆開始鬆脫， 我仲走去同陳醫生叫佢補下佢。

其實鬆邊可以補？ 回想起都覺得對唔住陳澔賢醫生，因為當時我以為所有牙齒問題洗下牙補下牙就解決。陳澔賢醫生 和 牙齒衛生員鄺小姐同我解釋好耐好耐（洗腦教育是好的方面），我先慢慢開始明白。其實牙齒本身沒有大問題，但因為長期缺乏護理，牙菌牙石已經侵蝕牙骨（而非牙齒本身），令牙齒鬆動。

所以陳醫生替我打麻醉藥 做‘牙根整平’深層清潔，清曬牙骨裡面的細菌出來。來來回回4-5次。係打針小小唔舒服，中途無痛既。陳醫生打針和check up，制定下一次目標，牙齒衛生員替我清潔教我刷牙和每次返去都好著緊我刷牙刷得好唔好！

你牙周病好成點，就係睇牙醫捉你刷牙有幾肉緊。 就算醫生幫你洗100分， 算係好一半，屋k同時係靠自己刷乾淨，先好埋另一半。

我覺得成個治療最緊要就係陳醫生斷症 同埋 洗牙師好好心機幫我清潔教我刷牙同使用牙縫刷。坊間大部分牙醫醫牙周病，落麻醉藥刮乾淨一次就叫你走。其實你無學識如何自己護理，幾個月後又復發。我都被洗腦到快久病成醫haha

就算做完治療，之後依然每個年都要定時清洗牙齒2-3次，才可以避免復發。

陳醫生這裡按三個月為一趟療程計算，中途每次返去複診清洗無另外收我錢，佢話驚收錢我唔肯俾錢佢洗唔乾淨仲衰，寧願包埋。

我最後陳醫生仲幫我做返植牙，令我可以進食。效果幾好。推薦大家同時候，記得多多護理自己牙齒避免牙周病。
因為牙周病好似長期病，唔係一次可以斷尾。